දොම්පෙට යන පාර කියපියෝ

පිටිසරබද ආදි කාළයේ...
ගමයෙක් විය පරණ තාලයේ...
තරහ ගියොත් මිනිහ හරි සැරයි
බඹරේ වගේ ගමන කඩිසරයි
ගමරාළගේ පූරුවේ පවින්
කන් ඇහෙන්නේ නැතිලු දෙවියනේ
ගමයෝදිය තමයි ඒ පැලේ
වැඩ කටයුතු පිළිවෙලක් කලේ
ගමමහගෙත් බිහිරි වු කෙනෙක්
ඒක නිසයි දෙන්නා පෑහුනේ
දෙදෙනාගෙම කන ඇහෙන්නේ නෑ
ලණුවයි කණුවයි වගේ තමා
ගෙදර උන්නේ එකම තරුණියයි
ගම යුවලගේ කොමළ දියණියයි
චීත්තයක් සමග මල් රැදී
බදට කැපෙන හැට්ටයක් අදී
කරේ බැන්ද පබළු වැට පොටයි
අතේ බම්බු වළලු දෙක නටයි
දුටුව තරුණයන්ගේ ඇස් පිනයි
මුතු කුමාරි වාගේ ලස්සනයි
රෝස මලෙත් නටුවේ කටු තිබේ..
ඒ ළමිස්සි බිහිරි විය ඉබේ
ගමරාළගේ බිහිරි පවුලකි
එතන ගෙදර නිතර අවුලකි
පවුල බලා කිකිළි නටනවා
නටන කිකිළි කෙකර ගානවා
ගමරාළගේ කොටුව මේරුවා
ගමයා බතල ටිකක් හෑරුවා
මේ වෙළාවේ තරුණයෙක් ඇවිත්
දොම්පෙට යන පාර අහනවා
බිහිරි ගමයා බතල ගැන හිතා
ලාබට දෙනවා හිටිං පුතා
ලොක්කෝ ඔය බතල මට එපා
දොම්පෙට යන පාර කියනවා
බතල හොදට පැහිලා තියෙනවා
හාරනකල් ටිකක් හිටිනවා
මම ඇහැව්වේ පාර නොවෙද ඕයි
තමුසේ බතල කතාවක් අහයි
කෙහෙල් මලක් දන්නේ නෑ වෙනින්
ලොක්කි ඉන්නේ ගිහින් අහගනින්
දොම්පෙට යන පාර කොයිබදෝ
අම්මේ මට කියා දෙන්නකෝ
වියපු පැදුර දැන්ම දෙන්න බෑ
සායම් ටික දමා ඉවර නෑ
උඹේ උලව් පැදුර මට එපා
දොම්පෙට යන පාර කියපියෝ
මිළ වැඩි නෑ හරි ගජ ලාබයි
සායම නෑ දෙන්නට ලෝබයි
මේකත් මහ බිහිරි හටනයක්
උඹේ ගෙදර නැද්ද වෙන කෙනෙක්
අනේ දුවේ මෙන්න මෙහෙ වරෙන්
මේ මිනිහට පැදුර ගැන කියන්
උඹවත් දැන් ඉතිං නංගියේ
දොම්පෙට යන පාර කියාපන්
තරුණෙක් මට එනවා යැයි කියා
කපුටා කීවේ මේ තමයි එයා
අම්මා අප්පා දෙන්නා කැමති නම්
කසාදයට බොහොම කැමති මං....

එච්. එම්. වී. තැටියක පටිගත කෙරුණු පළමුවන විරිඳුව වූයේ "දොම්පෙට යන පාර කොයිබදෝ" විරිඳුවයි. යූ. ඒ. එස්‌. පෙරේරා මහතාගේ තවත් අනර්ඝ නිර්මාණයක්‌

ගීතය අහන්න  වැඩි විස්තර සඳහා 

මෝඩ මනමාලයා

කුඹුරු වැඩට වෙළඳාමට ගොන් දෙබානේ සී සෑමට
පොර පොල් ගැහුමටත් දැනෙන ගමක් හිටියා
ගමයා ටිකක් මේරුවාට තව කසාද බන්දලත් නෑ
දවසක් අම්මා මිනිහට කාරණා කියා
ළමයෝ සිරිමල් එතනා හද වැඩ ඇති බුහුටි කෙල්ල
හැමදාම මෙහි ඉඳීම උඹට සුදුසු නෑ
මැහුම් ගෙතුම් ඉවුම් පිහුම් පැදුරු විවුම කිරිදෙවිම
ලපටි උනත් පුරුදු නිසා කෙල්ල වටිනවා
මෙසේ කියා තම පුතාගේ සතුට ලබා දිනක්
සිරිමල් එතනාගේ පියාහට කතා කළා
සිරිමල් එතනාගේ පියා කටයුත්තට කැමතිවෙලා
බෑනගේ වගතුග බලන්න එවන්නට කිවා
රට අලගෙඩි හත අටකුයි ලඟදි කඩපු ඇටඹ ටිකයි
කොස්ගේදියක මදුළු සමහ දුන්නා අම්මා
ගෙදර එන්න සරසෙනකොට
කරුන මොකද කියා සැකයි
මාමණ්ඩිය ඉදිකටුවක් ගමයට දුන්නා
බෑනා ඉදිකටුව අතේ ගෙදර ගියා
නමුත් මිනිහා දන්නෙම නෑ මඟදී නැතිවුනා
අම්මා මේ පුවත අසා ගිණිපෙල්ලක් විලස කිපී
මොකද ළමයා සැලකිලිමත් නැත්තේ වසකැතයි
මීට පසුව ඔහොම දෙයක් කමිසේ ගසා අරන් ඇවිත්
පරිස්සමෙන් අම්මාහට බාරදිය යුතුයි
අම්මේ මට සමාවෙන්න එහෙම තමා මීට පසුව
සිරිමල් එතනාට හැබැයි කියන්නට එපා
තව දවසක් මාමන්ඩිගේ ගෙදරට ගිය බෑනා හට
එදා තෑගී ලැබුනෙ කදිම බළල් පැටියෙකුයි
මිනිහා පාරට ගොඩවී මෑණියන්ගේ බස සිහිවී
මාමා දුන්නු බළල් පැටියා කමිසේ ගැහැව්වා
බළල් පැටියා කලබලවී පපුව ටිකක් පහුරු ගාලා
අසල තිබුන බට කාලෙට ගොසින් සැඟවුනා
ඇයි මෝඩයෝ ඔහොම දෙයක් ලණු පොටකින් ගැටගහගෙන
අරන් එන්න ඔනෑ කියා මෑණියෝ කිවා
ඊට පසුව මාමණ්ඩිය ලෝබ නැතිව හිතාමතා
බැනන්ඩිට තෑගී දුන්නේ ඌරු ගාතයයි
බෑනා ටිකක් ඈත ගිහින් දිග ඇති මදු වැලක් කඩා
ඌරු ගාතේ කොනක බැඳන් බිම ඇදන් ගියා
සෑම තැනම වැලි තැවරී ගෙදර ගෙනා ඌරු ගාතේ
පලක් ගන්න නොහැකි නිසා ඇහක විසිකලා
නොදකින් උඹ නොදෝමකින් මීට පසුව දුන්නු දෙයක්
කරේ තබා අරන් එන්න ඉගෙන ගනින් දැන්
දැන් මිනිහා හොඳ පුරුදුයි මාමා ඉන්පසුව දුන්නේ
ලඟදි මුදල් වලට ගෙනා කදිම බූරුවා
මිනිහා මේ බුරුවාව කරේ තියා ගෙන යන්නට
සැරසෙනවිට කලබල වී බූරුවා ගියා
බූරුවාගේ කරට නැඟී පාර දිගේ නම්බු ඇතිව
ආවා නම් ඔන්න අනේ වැඩේ ලස්සනයි
මීට පසුව ගමපුතාට සිරිමල් එතනාගේ පියා
දියණියන්ව ගෙනත් කිව්වා මෙන්න බාරගන්
මාව නුඹට කරේ තියා ගෙන යාමට හැකිද කියා
සිරිමල් එතනාගේ ලඟට වෙලා ඇහුව්වා
මාමා හට මේක ඇසි අනේ උඹට මොන ගෑණුද
කාපන් අර රට තණකොළ කියා පැන්නුවා ....

ගායනය /පද රචනය -යු.ඒ.එස් පෙරේරා හෙවත් සිරි අයියා

වැඩි විස්තර