මල් පෙති දහසක්

මල් පෙති දහසක් ඉහිරුණු මාවත
අප පියමැන ගිය දින මතකයි
දේදුණු පැහැ ගත් සමනළ රෑනක්
අප නැළවූ සැටි තව මතකයි..
ආ..හා ආ..

මල් පෙති දහසක් දස අත විසිරුණු
නැවුම් සුවඳ තවමත් මතකයි..
අතිනත පටලා අප තෙපලූ බස්
මලින් මලට ඇසුනා මතකයි..
ආ..හා..ආ..

ලොවම එරෙහිවී ඔබ වෙන්වූ දින
සිත ඉකිබිඳ හැඬුවා මතකයි..
දිවිහිමියෙන් මා ඔබ වෙත පුද දුන්
සෙනෙහස මියගිය හැටි මතකයි..
ආ..හා..ආ..

ගායනය : සුජීවා ප්‍රියන්ති
පද රචනය : ලලිත් ගුණරත්න
සංගීතය : රෝහණ වීරසිංහ.

වැඩි විස්තර

නෙතක් උපන්නේ

නෙතක් උපන්නේ ඔබව දකින්නයි..
නෙතට අහිමිවූ එකම රුවත් ඔබමයි..
සවන් උපන්නේ ඔබව අසන්නයි
කනට අහිමිවූ එකම හඬත් ඔබමයි
වටහාගනු බැරි එකම සිතත් ඔබගෙයි...

රන්හුයකින් බැඳ සිරකර තැබුවේ
ඔබේ නමට පිදු නිකළැල් ආදරයයි..
මෙවුළේ මුතුකැට වී දිදුලන්නේ
ඔබේ පෙමට හඬනා දෑසක කඳුළුයි..

නෙතක් උපන්නේ......

මල් යහනේ සැතපෙන තුන්යාමේ
සිතින් සොයන්නේ ඔබෙ සුසුමක සිහිළයි..
නුහුරු ලොවක රැජිනක වී ඇත්තේ
හිසේ රැඳියයුතු මිණි කිරුළක් නැතිවයි..
නෙතක් උපන්නේ....

ගායනය : සුජීවා ප්‍රියන්ති
පද රචනය : බන්දුල නානායක්කාරවසම්
සංගීතය : රෝහණ වීරසිංහ

වැඩි විස්තර

ඔබේ මාවත එයයි ..

ඔබේ මාවත එයයි
මගේ මාවත මෙයයි
එකිනෙකට වෙනස් වුණ
දෙඅතකට ඇදී යන
ඔබේ මාවත එයයි
මගේ මාවත මෙයයි

මේ නුහුරු දෙමාවත
එක් වෙතැයි යම් දිනක
කුමට ඔබ අප දෙදෙන
එකිනෙකා රවටමු ද

සියලු දුක් නිවාරණ
කෙම් බිමක් හමුවෙතැයි
මමත් නොසිතමි ළඳුනි
ඔබත් නොසිතනු මැනවි

පද රචනය: බණ්ඩාර කේ. විජේතුංග
තනුව සහ සංගීතය: රෝහණ වීරසිංහ
ගායනය: සුනිල් එදිරිසිංහ

වැඩි විස්තර  ඉදිරිපත් කලේ Chiran Windsor